შოტლანდიელმა საკუთარი სახლის სხვენში აშშ-ის დამოუკიდებლობის დეკლარაციის ასლი იპოვა

შოტლანდიელმა საკუთარი სახლის სხვენში აშშ-ის დამოუკიდებლობის დეკლარაციის ასლი იპოვა

შოტლანდიის ქალაქ ედინბურგში მცხოვრებმა ქალმა საკუთარი სახლის სხვენში აშშ-ის დამოუკიდებლობის დეკლარაციის ასლი იპოვა და მილიონერი გახდა. ამის შესახებ BBC წერს.

დოკუმენტი იშვიათი წიგნების სპეციალისტმა კეტი მარსდენმა მაშინ აღმოაჩინა, როდესაც სხვენს ალაგებდა. ქალმა ის მაშინვე სამსახურში წაიღო, სადაც ხანგრძლივი კვლევის შემდეგ დოკუმენტის ნამდვილობა დადასტურდა.

დეკლარაცია ერთ-ერთი აღმოჩნდა იმ 201 ასლიდან, რომელიც 1820-იან წლებში აშშ-ის სენატის დაკვეთით, უილიამ სტოუნმა შექმნა. ამ დროისთვიის ამ სერიის მხოლოდ 48 დოკუმენტის ადგილსამყოფელია ცნობილი.

1-ელ ივლისს კეტი მარსდენის მიერ აღმოჩენილი დოკუმენტი აუქციონზე 4 420 000 დოლარად გაიყიდა.