მედია: რუსეთის ელჩი აშშ-ში ბრუნდება

მედია: რუსეთის ელჩი აშშ-ში ბრუნდება

რუსეთის ელჩი აშშ-ში, ანატოლი ანტონოვი, დღეს შეერთებულ შტატებში ბრუნდება, - ინფორმაციას Reuters-ი რუსულ მედიაზე დაყრდნობით ავრცელებს.

„ის ოპტიმისტურადაა განწყობილი და, მომდევნო კვირიდან, ელის შეხვედრებს აშშ-ში, კოლეგებთან“, - იუწყება მედია.

რუსეთის პრეზიდენტი, ვლადიმერ პუტინი და მისი ამერიკელი კოლეგა, ჯო ბაიდენი, ჟენევაში გამართული მოლაპარაკებების დროს, შეთანხმდნენ, რომ თავიანთი ელჩებს დააბრუნებდნენ ვაშინგტონსა და მოსკოვში.

„ბევრი საქმეა გასაკეთებელი. ვაგრძელებთ პროგრესს“, - ამბობს ანტონოვი. მისივე თქმით, მომდევნო კვირა შეხვედრებით დატვირთული ექნება.

რუსეთმა აშშ-დან საკუთარი ელჩი მარტში, მას შემდეგ გაიწვია კონსულტაციებისთვის, რაც ბაიდენმა თქვა: „დიახ, ვფიქრობ, რომ პუტინი მკვლელია“. ამის შემდეგ კი, ამერიკის ელჩიც დაბრუნდა ვაშინგტონში. მიზეზი, ამ შემთხვევაშიც, კონსულტაციები იყო.