ნიკა მელიას გამოსვლის შემდეგ სხდომათა დარბაზში ხმაური იყო 

ნიკა მელიას გამოსვლის შემდეგ სხდომათა დარბაზში ხმაური იყო 

„ამნისტიის შესახებ კანონპროექტის“ განხილვისას „ნაციონალური მოძრაობისა“ და „ქართული ოცნების“ წევრები ერთმანეთს დაუპირისპირდნენ.

სიტყვიერი დაპირისპირება ნიკა მელიას გამოსვლას მოჰყვა, რომელმაც სხდომათა დარბაზში ისაუბრა მის მიმართ იმუნიტეტის შეჩერებასა და „ქართული ოცნების“ გადაწყვეტილებაზე.

მას შემდეგ, რაც ნიკა მელიამ დაასრულა გამოსვლა, მისი გამოსვლა ადგილიდან გააპროტესტა მიხეილ ყაველაშვილმა, მან ნიკა მელიას მიმართა, რომ ორი თვე იყო ციხეში და ახლა ცდილობს, მსხვერპლის მანტიის მორგებას. მიხეილ ყაველაშვილმა მიმართა მელიას, რომ საკუთარი ხელისუფლების პირობებში 300 ათასი პრობაციონერი ჰყავდათ და ყველა უბანში ადამიანებს იჭერდნენ.

ყაველაშვილის თქმით, ნიკა მელია ციხეში თავისი ნებით წავიდა და შეურაცხყოფას აყენებდა სახელმწიფოს საკუთარი გადაწყვეტილებით, როდესაც სამაჯური მოიხსნა და სასამართლოს გადაწყვეტილების აღსრულებაზე უარი თქვა. ამ დაპირისპირებაში ჩაერთნენ უმრავლესობისა და „ნაციონალური მოძრაობის“ სხვა წევრებიც.

trampi ირმა ზავრადაშვილი „ნაცმოძრაობაზე“ - თუ „ქართულ ოცნებას“ ხმები დააკლდა 2012 წლის შემდეგ, ამის ერთადერთი მიზეზი არის ის, რომ ეს რეჟიმი არ გასამართლდა
ირმა ზავრადაშვილი „ნაცმოძრაობაზე“ - თუ „ქართულ ოცნებას“ ხმები დააკლდა 2012 წლის შემდეგ, ამის ერთადერთი მიზეზი არის ის, რომ ეს რეჟიმი არ გასამართლდა


9 წლის განმავლობაში ვინც ხალხს იჭერდა, კლავდა, სახურავზე აგდებდა, ბიზნესს აყაჩაღებდა და მოსახლეობას უკიდურეს მდგომარეობაში აგდებდა, მეორე 9 წელი მთლიანად საბოტაჟით იყო დაკავებული, რომ ქვეყნის განვითარებისთვის ხელი შეეშალა და პროცესები შეეფერხებინა, დღეს შემობრძანდა პარლამენტში და იმის მაგივრად, რომ საქმეზე ილაპარაკონ, კიდევ პოლიტიკურ განცხადებებს აკეთებენ, - ამის შესახებ „ქართული ოცნების“ წევრმა ირმა ზავრადაშვილმა პარლამენტის პლენარულ სხდომაზე განაცხადა.

როგორც ზავრადაშვილმა აღნიშნა, თუ „ქართულ ოცნებას“ ხმები დააკლდა 2012 წლის შემდეგ ამის ერთადერთი მიზეზი არის ის, რომ რეჟიმი არ გასამართლდა და სათანადო ადგილი არ მიეზღო.

„არ ვაპირებდი არაფრის თქმას, მაგრამ უკვე ყოველგვარ ზღვარს გადააჭარბა ყველაფერმა. 9 წლის განმავლობაში ვინც ხალხს იჭერდა, კლავდა, სახურავზე აგდებდა, ბიზნესს აყაჩაღებდა და მოსახლეობას უკიდურეს მდგომარეობაში აგდებდა, მეორე 9 წელი მთლიანად საბოტაჟით იყო დაკავებული, რომ ქვეყნის განვითარებისთვის ხელი შეეშალა და პროცესები შეეფერხებინა, დღეს შემობრძანდა პარლამენტში და იმის მაგივრად, რომ საქმეზე ილაპარაკონ, კიდევ პოლიტიკურ განცხადებებს აკეთებენ. რანაირი კანონიც არ უნდა წარმოადგინოთ ბატონო ანრი, ყველაფერზე უარს იტყვიან ესენი მარტივად იმიტომ, რომ „ნაციონალურ მოძრაობას“ უნდა იმ სახის შენარჩუნება, რაც დარჩა ამომრჩეველთან. იმისთვის სჭირდება ამ ჩანაწერის ამოღება აქედან. სახეს ვეღარ შეინარჩუნებთ! სხვათაშორის, მე თუ რამეზე პრეტენზია მაქვს, მაქვს იმაზე, რომ დღეს ამათ კიდევ ამის უფლება აქვთ. მილიონზე მეტი ადამინი უყურებს ამ სხდომას პირდაპირ ეთერში, ესენი არიან „ქართული ოცნების“ მომხრეები, რომლებსაც მხოლოდ ერთადერთი პრეტენზია აქვთ „ქართულ ოცნებასთან“ - რატომ ვაპატიეთ მათ ის, რომ პოლიტიკურ არენაზე ესენი დღეს კიდევ არსებობენ?! ეს არის მთავარი კითხვა. და თუ „ქართულ ოცნებას“ ხმები დააკლდა 2012 წლის შემდეგ ამის ერთადერთი მიზეზი არის ის, რომ ეს რეჟიმი არ გასამართლდა და სათანადო ადგილი არ მიეზღო ამათ. საკმარისია უკვე! გადადით კორექტულ ლაპარაკზე და თქვენი აქ ყოფნა მოემსახუროს ხალხს, პირველ რიგში იმ ხალხს, რომლებმაც თქვენ ხმა მოგცათ, ძალიან გთხოვთ!“ - მიმართა ირმა ზავრადაშვილმა „ნაციონალური მოძრაობის“ წევრებს.
1 თვის უკან