Amazon-ის დამფუძნებელი და მსოფლიოში ყველაზე მდიდარი ადამიანი ჯეფ ბეზოსი 127 მეტრი სიგრძის აფრებიან იახტას ყიდულობს. მან იახტა ნიდერლანდებში Oceanco-ს ფარულად შეუკვეთა. ამის შესახებ Bloomberg წერს.
გამოცემის ცნობით, ასეთი იახტის ფასი $500 მილიონია. იახტაზე იგეგმება ვერტმფრენის დასაფრენი ბილიკის განთავსება.
გამოცემა წერს, რომ ასეთი მონაცემით იახტა, მსოფლიოში პირველად ბეზოსს ექნება. მანამდე ყველაზე დიდ იახტად Black Pearl მიიჩნეოდა, რომელსაც Forbes სიის წევრი ოლეგ ბურლაკოვი ფლობს.
Bloomberg წერს, რომ ეს იახტა მილიარდერის მორიგი აქსესუარია. ამ დროისთვის Forbes მონაცემებით, ბეზოსის ქონება $197,8 მილიარდია.
