ოდრი ჰეპბერნი ბრიტანელი მსახიობი, მოდელი და ჰუმანიტარი იყო, რომელსაც საზოგადოება მისი ლეგენდარული ფილმებიდან იცნობს.
ოსკაროსანი მსახიობი ყოველთვის გამოირჩეოდა პროფესიონალური შესრულებით და განთქმული იყო წარმატებული კარიერული საქმიანობით, თუმცა ეს არ არის ერთადერთი მიზეზი, რატომაც პუბლიკამ ჰეპბერნი საზოგადოდ აღიარა.
ოდრი გამოირჩეოდა კლასიკური, დახვეწილი და ფემინური სტილით, რაც სხვა შემსრულებლებისგან ყოველთვის რადიკალურად გამოარჩევდა.
მაყურებელი მალე ჰოლივუდის საკულტო ვარსკვლავის შესახებ სატელევიზიო სერიალს იხილავს, რომელსაც ჰეპბერნის ვაჟიშვილის Luca Dotti-ის და იტალიელი ჟურნალისტისა და მწერლის Luigi Spinola-ის ჩანაწერების მიხედვით გადაიღებენ.
შოუ შეიქმნება იტალიური წარმოების კომპანია Wildside-ისა და Fremantle-ის ერთობლივი წარმოებით.
