ჯერ კიდევ ველოდებით, თუ რა დასკვნები იქნება წარდგენილი პრეზიდენტ მიშელის მიერ ბრიუსელში, - ამის შესახებ საქართველოში ევროკავშირის ელჩმა კარლ ჰარცელმა მედიასთან ევროკავშირის წარმომადგენლობის ოფისის დატოვების შემდეგ განაცხადა.
“ჩვენ განვიხილეთ მიმდინარე პოლიტიკური მოვლენები. ამ საკითხთან დაკავშირებით არაფრის თქმა არ შემიძლია, რადგან არაფერია გადაწყვეტილი. ჯერ კიდევ ველოდებით, რათა ვნახოთ, თუ რა დასკვნები იქნება წარდგენილი პრეზიდენტ მიშელის მიერ ბრიუსელში”, - აღნიშნა მან.
ცნობისთვის, "ლელოს" ლიდერები ევროკავშირის წარმომადგენლობის ოფისში საქართველოში ევროკავშირისა და აშშ-ის ელჩებს შეხვდნენ. მანამდე ოფისში იმყოფებოდა საქართველოს პარლამენტის თავმჯდომარე არჩილ თალაკვაძე.
