ჟურნალმა „შარლი ებდომ“ დედოფალ ელისაბედისა და მეგან მარკლის კარიკატურა შექმნა. მისი მიხედვით, დედოფალი ფეხით ახრჩობს სასექსის ჰერცოგინიას.
„რატომ გაიქცა მეგანი ბუკინგემის სასახლიდან?“ - ასეთი სათაური აქვს ჟურნალს გამოტანილი.
მეგან მარკლის საპასუხო ტექსტში კი ნათქვამია: იმიტომ რომ სუნთქვა არ შემეძლო“.
მეგან მარკლმა ოპრა უინფრისთან ინტერვიუში სამეფო ოჯახი რასიზმში დაადანაშაულა.
ინტერვიუში მან განაცხადა, რომ სამეფო ოჯახის ერთ-ერთი წევრი ინტერესდებოდა, რამდენად მუქი კანი ექნებოდა მათ შვილ არჩის. სამეფო ოჯახმა ინტერვიუსთან დაკავშირებით განცხადება გაავრცელა, რომელშიც აღნიშნა, რომ მათ მიერ წამოწეულ საკითხებს სერიოზულად ეკიდებიან.
