ტელეარხმა Fox-მა საკულტო ანიმაციური სერიალი „სიმფსონები“ კიდევ ორი სეზონით გაახანგრძლივა. ამის შესახებ გამოცემა Variety იტყობინება.
გავრცელებული ინფორმაციით, საიუბილეო მე-700 ეპიზოდი ეთერში 2021 წლის 21 მარტს გავა. 2023 წელს კი Fox-ზე 34-ე სეზონი დაიწყება.
„სიმფსონებს ძალიან უხარიათ, რომ გაგრძელდებიან. ისინი ბევრ სიურპრიზს შემოგთავაზებენ: ჰომერი დაკარგავს თმას, მილჰაუსი გაიკეთებს კონტაქტურ ლინზებს, ბარტი კი 33-ედ აღნიშნავს თავის მე-10 იუბილეს“, - ამბობს სერიალის შემქმნელი მეთ გრენინგი.
