მიხეილ სარჯველაძე: პოლიცია საზოგადოებრივ წესრიგსა და უსაფრთხოებას უზრუნველყოფს, ხელები შორს პოლიციისგან

მიხეილ სარჯველაძე: პოლიცია საზოგადოებრივ წესრიგსა და უსაფრთხოებას უზრუნველყოფს, ხელები შორს პოლიციისგან

არანორმალურია, როდესაც ასეთ განცხადებებს ვისმენთ და ასეთ შეურაცხმყოფელ ტონს, სიტყვებს პოლიციის მიმართ, ეს დაუშვებელია, – ამის შესახებ საქართველოს პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ „ევროპული საქართველოს“ წევრის გიგი უგულავას განცხადებასთან დაკავშირებით აღნიშნა.

მისივე თქმით, პოლიცია არის ძალა, რომელიც საზოგადოებრივ წესრიგსა და უსაფრთხოებას უზრუნველყოფს.

„რეალურად, პოლიცია არის ძალა, რომელიც უზრუნველყოფს ჩვენთვის, ჩვენი საზოგადოებისთვის ერთ-ერთ უმთავრეს ღირებულებას, ეს არის საზოგადოებრივი წესრიგი და უსაფრთხოება. ამიტომ, ყველამ ხელები შორს პოლიციისგან. მინდა, შემთხვევით ვისარგებლო და ის პოლიციელები გავამხნევო, რომელთაც უწევთ ასეთი დაუმსახურებელი შეურაცხყოფების ატანა, მხოლოდ იმიტომ, რომ ისინი არიან რეალურად, კეთილი საქმის მსახურნი. რა თქმა უნდა, აბსოლუტურად დაუშვებელია ის, რასაც ვხედავთ, არა მხოლოდ ამ კონკრეტულ შემთხვევაში, არამედ ხშირ შემთხვევაში, ვხედავთ პოლიციის მიმართ სრულიად დაუსაბუთებელ, უსაფუძვლოდ ტალახის სროლას“, – განაცხადა მიხეილ სარჯველაძემ.

„ევროპული საქართველოს“ წევრმა, გიგი უგულავამ მთავრობის ადმინისტრაციასთან, აქციაზე სიტყვით გამოსვლისას პოლიციელებს მიმართა:

„ერთი კაცის დასაჭერად მოსული 3 600 ადამიანი – ეს პოლიცია არ არის, ეს არის უკვე ბანდა და საქართველოს არ სჭირდება პოლიციის ფორმაში ჩაცმული ბანდა. ეს არის სამწუხარო რეალობა, მაგრამ ძალიან ბევრი თქვენგანი, ღირსების ნაცვლად, აღმოჩნდა უღირსობის მორევში. ძალიან ვწუხვარ, მაგრამ ეს არის ფაქტი. მონა, რომელიც თავისუფლებისთვის არ იბრძვის და მონად დარჩება, ქართულ პოლიციაში მისი ადგილი არ არის და ის ზონდერი, თქვენ უკან რომ იმალება, მისი ადგილი სად არის, ძალიან კარგად ნახავს თვითონ ძალიან მალე“, – განაცხადა გიგი უგულავამ.

Katana . ძალიან მაინტერესებს, მოსწონს თავისი საქციელი პრეზიდენტ სალომე ზურაბიშვილს?

ჯერ 4 წელი რა სასჯელი იყო 48 მილიონის ქურდისთვის და ისიც კი არ მოახდევინა!.. როცა თვითონ, ნაცებმა, არასრულწლოვან ბიჭს 4 საბურავის მოპარვისთვის 16 წელი მიუსაჯეს! ( 4-ჯერ შესულა, თითო ჯერზე თითო საბურავი რომ გამოეტანა, და ქურდობის 4 ეპიზოდად შეუფასეს, შეუჯამეს და 16 წელი გამოყვანეს!).
იჯდებოდა ახლა ციხეში წყნარად და დიდი-დიდი, "აბსლუგა" შეეწუხებინა თავისი გარეწრობით!..
3 წლის უკან