ბრიტანეთის პრინცმა ჰარიმ და მისმა მეუღლემ მეგან მარკლმა საბოლოოდ გადაწყვიტეს Twitter-ის, Facebook-ისა და Instagram-ის გამოყენებაზე უარი თქვან. ამის შესახებ გამოცემა The Times-ი იტყობინება.
გავრცელებული ინფორმაციით, წყვილი სოციალურ ქსელებს არც საკუთარი ფონდის, Archewell Foundation-ის საქმიანობისთვის გამოიყენებს. ჰარის და მეგანს ინსტაგრამზე 10,4 მილიონი გამომწერი ჰყავდათ, თუმცა 2020 წლის მარტიდან დღემდე მათ გვერდზე @sussexroyal ახალი კონტენტი აღარ გამოქვეყნებულა.
როგორც The Times-ი წერს, წყვილი შეშფოთებულია სიძულვილის ენით, რომელსაც სოციალურ ქსელებში ყოველდღიურად აწყდება და რაზეც საჯაროდ არაერთხელ განაცხადა.
