ახალი წლის მოახლოებასთან ერთად ,ხშირად ჩვენს სმენას თითქოსდა უკვე დავიწყებული მერაია ქერის ხმა ატკბობს, რომელიც უკვე წლებია სადღესასწაულო განწყობას გვიქმნის. All I want for Christmas is You- სწორედ ასე ჰქვია სიმღერას, რომელიც თითოეულმა ჩვენგანმა ზეპირად იცის, თუმცა ცოტას თუ აქვს ინფორმაცია იმის შესახებ, რომ მისი ორიგინალი ვერსია ჯერ კიდევ 1994 წელს დაიწერა.
თავად ცნობილი ვარსკვლავი მუსიკალურ კარიერაში ბოლო პერიოდში აქტიური აღარ არის, თუმცაღა საკულტო ჰანგები ყოველი წლის დასასრულს მის საბანკო ანგარიშზე უწყვეტად განაგრძობს სასიამოვნო მატებას. მაგალითად, გასულ წელს, კვლევის მიხედვით მხოლოდ დიდ ბრიტანეთში ამ სიმღერით მომღერალმა ნახევარ მილიონ დოლარზე მეტი მოაგროვა.
თუმცა ეს ყველაფერი არ არის, Spotify-ზე მისი მოსმენების რიცხვმა გასულ წელს 506,173,888 მიაღწია, თითოეულ მოსმენაში კი ვარსკვლავები 0.0034 ფუნტ სტერლინგს იღებენ, ჯამში კი, გასული წლის მონაცემი 2 311 938.40 დოლარს უდრის.
