იმ მოცემულობამ, რომელიც ახლა უკრაინაშია, ის საერთო სურათი შეავსო, რაზეც წარმოდგენა გვქონდა, რომ ოპოზიციის რადიკალური ფრთის სტრატეგია რევოლუციური სცენარი იყო. აქედან გამომდინარე, უბრალოდ ინფორმაცია დაემატა, თორემ განწყობა პრაქტიკულად არ შეცვლილა და რაც უნდოდათ, კიდევ ერთხელ გამოჩნდა, - ამის შესახებ კავკასიის საკითხებში ექსპერტმა, მამუკა არეშიძემ იმედის გადაცემა „ღია ეთერში“ ისაუბრა.
მისი თქმით, ოპოზიციის ერთი ნაწილი ამ მარწუხებიდან ვერაფრით ვერ გამოვიდა და იძულებულია, ამ ნარატივით იყოს.
„ეს განწყობა იყო სათავეშივე. თუ არ გაიმარჯვებდნენ, მაშინ უნდა წასულიყვნენ რევოლუციაზე“, - აღნიშნა მამუკა არეშიძემ.
