ამერიკელ მსახიობს, შაია ლაბაფს ყოფილი მეგობარი ქალი ფიზიკურ და სექსუალურ ძალადობაში სდებს ბრალს. სარჩელი მან ლოს-ანჯელესის სასამართლოში შეიტანა.
მოსარჩელის მტკიცებით, გარდა იმისა, რომ ლაბაფი მასზე სისტემატიურად ძალადობდა, მსახიობმა მას ვენერიული დაავადებაც გადასდო.
34 წლის შაია ლაბაფი „ბაფტას“ პრემიის ლაურეატია. საყოველთაო აღიარება მას ფილმებში „პარანოია“ და „ტრანსფორმერები“ შესრულებულმა როლებმა მოუტანა. ლაბაფის მეორე გატაცება მხატვრობაა. ის აკციონიზმის მიმდევარია.
