ძალიან სამწუხაროა, რომ დღეს პარლამენტის სხდომის გახსნა ოპოზიციის გარეშე ვნახეთ, თუმცა ვიმედოვნებ, რომ ეს მათი აზრი შეიცვლება და საბოლოოდ გაგრძელდება მოლაპარაკებები და შეთანხება მიიღწევა, რომელიც საშუალებას მისცემს გარკვეულ ჯგუფს მაინც შემოვიდეს და იმ პასუხისმგებლობას და ვალდებულებას, რომელიც მათ აიღეს არჩევნებში მონაწილეობის შემდეგ და იმ ნდობას, რომელიც მათ მინიჭებული აქვთ, შეასრულებენ პირნათლად- ამის შესახებ პარლამენტის ვიცე-სპიკერმა, კახა კუჭავამ „ქრონიკასთან“ საუბრისას განაცხდა.
მისივე თქმით, ყველას საერთო მიზანია, რომ საქართველო ევროპული ოჯახის წევრი გახდეს და ოპოზიციის მონაწილეობა ამ პროცესში მნიშვნელოვანია.
„ჩვენ საპარლამენტო რესპუბლიკა ვართ და საჭიროა, ოპოზიცია იყოს ჯანსაღი, კრიტიკული. ჩვენ ისე პროგრესს ვერ მივაღწევთ“, - აღნიშნა კახა კუჭავამ.
