ბრიტანული ტელესერიალი „კორონაციის ქუჩა“ 60 წლის გახდა. ამის შესახებ France 24 იტყობინება.
გამოცემის ინფორმაციით, მსოფლიოს ყველაზე ხანგრძლივი საპნის ოპერის სიუჟეტი ინგლისის გამოგონილ ქალაქში, უეზერფილდში ვითარდება და მისი ერთ-ერთი ქუჩის ჩვეულებრივი ბინადრების ყოველდღიურ ცხოვრებაზე მოგვითხრობს.. სერიალის პირველი ეპიზოდი ეთერში 1960 წლის 7 დეკემბერს გავიდა. თავდაპირველად მისი შემქმნელები ვარაუდობდნენ, რომ შოუ რამდენიმე თვეს გაგრძელდებოდა, თუმცა ის ბრიტანული ტელეარხის Itv-ს ეთერში დღემდე გადის.
სერიალს არაერთი პრესტიჟული ჯილდო აქვს მოგებული.
