აშშ-ში დაჯილდოების ყოველწლიური ცერემონიის People's Choice Awards გამარჯვებულები გამოვლინდნენ. ღონისძიება პანდემიის გამო დაწესებული შეზღუდვების დაცვით გაიმართა: ლაურეატების და წამყვანები სოციალურ დისტანციას იცავდნენ.
წლის საუკეთესო ფილმად მაყურებლებმა „ცუდი ბიჭები 3“ დაასახელეს, უილ სმიტი კი, რომელმაც სურათში ერთ-ერთ მთავარი როლი შეასრულა, წლის საუკეთესო მსახიობ კაცად აღიარეს. ნომინაციაში „საუკეთესო მსახიობი ქალი“ ტიფანი ჰადიშმა გაიმარჯვა. საუკეთესო სერიალად კი მაყურებლებმა „გრეის ანატომია“ აირჩიეს.
გამარჯვებულები მუსიკალურ სფეროშიც გამოვლინდნენ. წლის საუკეთესო ჯგუფად BTS-ი, მომღერალ კაცად ჯასტინ ბიბერი, მომღერალ ქალად კი არიანა გრანდე დასახელდნენ.
People's Choice Awards-ი ამერიკული ჯილდოა, რომელსაც პოპ-კულტურის წარმომადგენლებს სახალხო ხმის მიცემის შედეგად ენიჭებათ. პირველი ცერემონია 1975 წელს გაიმართა. 2005 წლამდე გამარჯვებულები სოციოლოგიური გამოკითხვის შედეგად ვლინდებოდნენ, შემდეგ კი ხმის მიცემა ინტერნეტში გაგრძელდა.
