მომღერალმა მერაბ სეფაშვილმა 29 ოქტომბერს ნაციონალური მოძრაობის შემაჯამებელ და მხარდამჭერ აქციაზე, თავისუფლების მოედანზე, სხვა კოლეგებთან ერთად რამდენიმე სიმღერა შეასრულა. დღეს კი სეფაშვილი იმედგაცრუებული ჩანს.
“ხალხი არ გადააგდოთ, არ გეპატიებათ, იცოდეთ” – დაწერა გრიგოლ ვაშაძის განცხადების შემდეგ გაერთიანებული ოპოზიციის მისამართით მომღერალმა.
"პრაიმტაიმმა" სეფაშვილს კითხვით მიმართა:
"შევდივართ, არ შევდივართო, რომ დაიწყეს, ეს არ მომწონს. ასე მიიყვანო ხალხი, გაწუწო-გამოწუწო, მერე წახვიდე და წამოწვე, ეგრე მე არ მომწონს.
ხალხი აპროტესტებს იმას, რომ ხმები გაუყალბეს. ამაზე რომ პარტიებმა ხელი მოაწერეს, შევალთ პარლამენტში-არ შევალთო და თუ აღმოჩნება, რომ ეს თავისი კეთილდღეობისთვის გამოიყენეს, ვინც არ უნდა იყოს, ეს ჩემთვის აბსოლუტურად მიუღებელია.
თუ არ მოიქცევიან კარგად, შევაგინებ! უკაცრავად…" - განაცხადა მერაბ სეფაშვილმა.
