მექსიკელმა რიკარდო პიმენტელმა 300-ზე მეტი მიუსაფარი ცხოველი საკუთარ სახლში შეიფარა, რადგან შეეშინდა, რომ ისინი თავშესაფარში ქარიშხალ „დელტას“ ვერ გადაურჩებოდნენ. ამის შესახებ Bored Panda წერს.
გამოცემის ინფორმაციით, 9 წლის წინ პიმენტელმა დაარსა თავშესაფარი Tierra de Animales, სადაც ძაღლებისა და კატების გარდა ფრინველები, ცხენები, ცხვრები, ღორები და სხვა ცხოველებს იღებენ.
თუმცა Tierra de Animales-ი ქარიშხლებისგან საკმარისად დაცული არ არის, ამიტომ სტიქიის დროს ასობით ბინადრის სხვაგან გადაყვანა გახდა საჭირო. ასე, 300-ზე მეტი ძაღლი და კატა თავშესაფრის დამფუძნებლის სახლში აღმოჩნდა. როგორც მან აღნიშნა, ცხოველებმა პრობლემები პრაქტიკულად არ შეუქმნეს: ყველა მათგანი აცრილი და სტერილიზებულია, ქარიშხლის ღამეს კი სამაგალითოდ იქცეოდნენ.
