HBO-მ მინი-სერიალზე დაიწყო მუშაობა, რომელიც ილონ მასკის კომპანიაზე SpaceX მოგვითხრობს. ამის შესახებ Variety წერს.
გამოცემის ინფორმაციით, პროექტი ეშლი ვენსის წიგნზე იქნება დაფუძნებული, სახელწოდებით „ილონ მასკი. Tesla, SpaceX-ი და გზა მომავალში“. სცენარს დაგ ჯანგი დაწერს, წარმოებით კი ჩენინგ ტატუმის კომპანია Free Association დაკავდება.
პროექტი მოგვითხრობს, თუ როგორ შეკრიბა მასკმა ინჟინრები კუნძულ ომელეკზე სამუშაოდ და რაკეტა Falcon 9-ის გაშვებზე. მსახიობების შესახებ ინფორმაცია ჯერ არ გავრცელებულა, თუმცა ცნობილია, რომ თვითონ მასკი პროექტზე მუშაობაში მონაწილეობას არ მიიღებს.
სერიალი 6 ეპიზოდისგან შედგება. პრემიერის თარიღი უცნობია.
