მართლმადიდებელი ეკლესია ჯვართამაღლების დღესასწაულს ზეიმობს.
აღნიშნულ თარიღთან დაკავშირებით ალავერდის მამათა მონასტრში დილიდან სადღესასწაული მსახურება, მიტროპოლიტმა აბბა ალავერდელმა, მეუფე დავითმა, ეპარქიის მღვდელმსახურებთან ერთად აღავლინეს.
წირვა- ლიცვის დასრულების შემდეგ მეუფემ მრევლს ქადაგებით მიმართა, ტაძარში შეკრებილი მომლოცველები დალოცა და დღევანდელი დღე მიულოცა.
ხვალ ალავერდობაა, ამიტომ ღამისთევის ლოცვაზე დასასწრებად სხვადასხვა კუთხიდან მომლოცველებმა შეკრება უკვე დაიწყეს.