პრინცესა დიანას პირადი წერილი აუქციონზე გაიყიდება. ამის შესახებ გამოცემა Daily Mail-ი წერს.
წერილი 1991 წლის 27 ივნისითაა დათარიღებული, პრინცესა დიანამ ის თავის მეგობარს, დადლი პოპლაკს მისწერა. დიანამ წერილი თავისი 30-ე დაბადების დღემდე 4 დღით ადრე დაწერა.
„საინტერესოა, რას მომიტანს შემდეგი ათწლეული. ბოლო 10 წლის განმავლობაში ბევრი რამ ვისწავლე. მადლობას გიხდი ჩემი ფოტოებისა და სიყვარულისთვის“, - წერდა პრინცესა დიანა.
აღსანიშნავია, რომ 1991 წლის 1-ელ ივლისს დიანას 30 წელი შეუსრულდა, ერთ წელიწადში ის პრინც ჩარლზს დაშორდა, 1996 წელს კი მათ განქორწინება ოფიციალურად გააფორმეს.
