დევიდ და ვიქტორია ბექჰემების უფროსმა ვაჟმა, ბრუკლინმა თავის შეყვარებულს, მსახიობ ნიკოლა პელტცს ხელი სთხოვა. ამის შესახებ The Sun-ი იტყობინება.
როგორც თავად ბრუკლინმა Instagram-ზე დაწერა, პელტცი მის წინადადებას დათანხმდა. 21 წლის ბრუკლინი და 25 წლის ნიკოლა ერთმანეთს 7 თვე ხვდებიან. ბექჰემის ცნობილი მშობლები მის გადაწყვეტილებას დადებითად შეხვდნენ.
ნიკოლა პელტცმა რამდენიმე ჰოლივუდურ ფილმში, მათ შორის „ტრანსფორმერების“ ორ ნაწილში ითამაშა. მისი მამა, ნელსონ პელტცი კი კომპანია Trian Fund Management-ის დამფუძნებელი და მმართველია. მისი ქონება 1, 72 მილიარდ დოლარად ფასდება.
