სასამართლომ საფრანგეთის ყოფილ პრემიერ-მინისტრს 5 წლით თავისუფლების აღკვეთა მიუსაჯა ბიუჯეტის თანხების მითვისების გამო

სასამართლომ საფრანგეთის ყოფილ პრემიერ-მინისტრს 5 წლით თავისუფლების აღკვეთა მიუსაჯა ბიუჯეტის თანხების მითვისების გამო

პარიზის სასამართლომ საფრანგეთის ყოფილ პრემიერ-მინისტრსა და 2017 წლის საპრეზიდენტო არჩევნებზე მემარჯვენეებისა და ცენტრისტების საპრეზიდენტო კანდიდატს, ფრანსუა ფიიონს 5 წლით თავისუფლების აღკვეთა მიუსაჯა ბიუჯეტის თანხების მითვისების გამო.

აღსანიშნავია, რომ ფრანსუა ფიიონთან ერთად დამნაშავედ მისი მეუღლე, პენელოპა ფიიონიც ცნეს.

სასამართლოს გადაწყვეტილებით, ფრანსუა ფიიონს ციხეში 2 წლის გატარება მოუწევს. ის ასევე გადაიხდის 375 000 ევროს ოდენობის ჯარიმას და 10 წლის განმავლობაში არჩევით თანამდებობებს ვერ დაიკავებს.

რაც შეეხება მის მეუღლეს, სასამართლომ მას 3 წლით თავისუფლების პირობითად აღკვეთა მიუსაჯა.

2018 წლის 22 ივნისს ფრანსუა ფიიონსა და მის მეუღლეს გამოძიებამ ბიუჯეტის თანხების მითვისებაში ბრალი წაუყენა. 2017 წლის იანვარში გამოცემა Le Canard enchaine-მა ინფორმაცია გაავრცელა, რომ პენელოპა ფიიონი პარლამენტში მეუღლის თანაშემწედ ირიცხებოდა და ამისთვის ანაზღაურებას იღებდა, თუმცა არანაირ რეალურ სამუშაოს არ ასრულებდა. საერთო ჯამში ხელფასის სახით პენელოპა ფიიონმა დაახლოებით 500 ათასი ევრო აიღო.