მიკვირს უბრალოდ, რატომ უნდა ცდილობდეს ნებისმიერი პოლიტიკოსი თავისი რეპუტაციის ამ ბიოგრაფიასთან დაკავშირებას? - ამის შესახებ თავდაცვის ყოფილი მინისტრი სოციალურ ქსელში წერს და ყოფილი შს მინისტრის, კახა თარგამაძეის წერილს აზიარებს, რომელიც თარგამაძემ ყოფილ გენპროკურორ ჯამლეტ ბაბილაშვილს მისწერა და რომელსაც გიორგი რურუას მიერ ჩადენილ დანაშაულებების, კონკრეტული საქმეების ჩამონათვალი ახლავს.
თევზაძის თქმით, რამდენადაც მისთვის ცნობილია, ჩამოთვლილ დანაშაულებს კიდევ აკლია რამდენიმე, მათ შორის, ერთი მკვლელობა, რომელსაც მოწმე ჰყავს. თავდაცვის ყოფილი მინისტრი იმედს გამოთქვამს, რომ ეს დანაშაული გამჟღავნდება.
,,რამდენადაც ვიცი, აქ ჩამოთვლილ დანაშაულებს კიდევ აკლია რამოდენიმე... მათ შორის, ერთი მკვლელობა, რომელსაც მოწმე ყავს და, იმედია, გამჟღავნდება ისიც, ხოლო როდესაც გამჟღავნდება, შერცხვება მგონია ბევრს. მიკვირს უბრალოდ, რატომ უნდა ცდილობდეს ნებისმიერი პოლიტიკოსი თავისი რეპუტაციის ამ ბიოგრაფიასთან დაკავშირებას? ანდა საქართველოში აკრედიტებული ელჩებს რატომ უღირთ თავიანთი ქვეყნების რეპუტაციით თამაში ქართველი მოსახლეობის წინაშე? ბუნებრივია, ეხება იმ ელჩებს, რომლებსაც ე.წ. 8 მარტის შეთანხმებაში მიუძღვით წვლილი”,- წერს დავით თევზაძე
