ჯერ „ლელოს“ ჰქონდა აქცია „ონის კასკადთან“ დაკავშირებით, მაგრამ ვიფიქრე, რომ ისინი უბრალოდ შეცდნენ. დღეს დილას ნამახვანის ჰესებთან დაკავშირებით გამართეს აქცია და თქვეს, რომ გარემოზე ზემოქმედების კვლევა არ მოსწონთ. პარტია, რომელიც ნებსით თუ უნებლიეთ საქართველოში რუსულ ინტერესს ატარებს, არის რუსეთუმე პარტია, - ამის შესახებ ტელეკომპანია „იმედის“ გადაცემაში „არენა“ ანალიტიკოსმა, ნიკო მჭედლიშვილმა განაცხადა.

„ფანჩატურში რომ პარტიები სხედან, მათ შორის არიან მკვეთრად გამოხატული რუსული ორიენტაციის მქონე პარტიები, რომლებიც ამას არც მალავენ. ასევე არიან დეკლარირებულად პროდასავლური პარტიები, რომლებიც პრორუსულ საქმეს უწყობენ ხელს. მე საკმაოდ კარგად ვიცნობ ენერგეტიკის დარგს და ჩემი აზრით, რუსეთის ერთ-ერთი ყველაზე მთავარი სტრატეგიული ინტერესი საქართველოში ისტორიულად იყო საქართველოს ენერგოდამოუკიდებლობის შეზღუდვა, რათა აქ ნაკლები იყოს გენერაცია და მეტი - ელექტროენერგიის იმპორტი რუსეთიდან. საქართველოში არსებულ ყველა ხელისუფლებასთან რუსეთს ჰქონდა მცდელობები, დაემყარებინათ ისეთი ურთიერთობები, რომ ყოფილიყო მაქსიმალურად დიდი იმპორტი და აქ გენერაცია გაჩერებულიყო. ეს საქართველოს მუდმივად რუსეთზე დამოკიდებულს გახდიდა. ჯერ „ლელოს“ ჰქონდა აქცია „ონის კასკადთან“ დაკავშირებით, მაგრამ ვიფიქრე, რომ ისინი უბრალოდ შეცდნენ. დღეს დილას ნამახვანის ჰესებთან დაკავშირებით გამართეს აქცია და თქვეს, რომ გარემოზე ზემოქმედების კვლევა არ მოსწონთ. პარტია, რომელიც ნებსით თუ უნებლიეთ საქართველოში რუსულ ინტერესს ატარებს, არის რუსეთუმე პარტია“, - განაცხადა მჭედლიშვილმა.