ააწრიალეს ბრიუსელი და ვაშინგტონი, ტვიტი ტვიტზე, წერილი წერილზე, მიტინგი მიტინგზე და ბოლოს კენჭისყრაში მონაწილეობა არ მიიღეს – ბოძაშვილი
უშიშროების საბჭოს მდივნის ყოფილი მოადგილე ლევან ბოძაშვილი “ნაციონალური მოძრაობისა” და “ევროპული საქართველოს” მიერ საარჩევნო სისტემაში შესატანი ცვლილებებისთვის მხარის არდაჭერას ეხმიანება.

„მთელი წელი 2 პარტია იძახდა სრულად პროპორციული სისტემა საზოგადოების დაკვეთა არისო, ააწრიალეს ბრიუსელი და ვაშინგტონი, ტვიტი ტვიტზე, წერილი წერილზე, მიტინგი მიტინგზე და ბოლოს კენჭისყრაში მონაწილეობა არ მიიღეს” – წერს ლევან ბოძაშვილი.

შეგახსენებთ, რომ დღეს პარლამენტმა საკონსტიტუციო ცვლილებებს მეორე მოსმენით მხარი დაუჭირა, თუმცა კენჭისყრას ბოიკოტი გამოუცხადეს „ნაციონალური მოძრაობისა“ და „ევროპული საქართველოს“ დეპუტატებმა.

საქართველოში ევროკავშირის ელჩი კარლ ჰარცერი მხარეებს 8 მარტის შეთანხმების დაცვისა და მესამე მოსმენით, კანონპროექტის კენჭისყრაში მონაწილეობისკენ მოუწოდებს.