SpaceX-ის დამფუძნებელმა ილონ მასკმა და მისმა პარტნიორმა მომღერალმა გრაიმსმა შვილის სახელი ოფიციალურად დაარეგისტრირეს. ბავშვის დაბადების მოწმობის ასლი ტაბლოიდმა TMZ გამოაქვეყნა.
გამოცემის ინფორმაციით, ბიჭის ოფიციალური სახელია X AE A-XII Musk. თავდაპირვეპად მშობლებმა ბიჭს სხვა სახელი შეურჩიეს - X Æ A-12, მაგრამ კალიფორნიის შტატის კანონმდებლობა ადამიანის სახელში ციფრების და სიმბოლოების გამოყენებას კრძალავს. ამიტომ მშობლებმა რიცხვი 12 ასოებით შეცვალეს, რომლებიც რომაულ რიცხვს XII ჰგავს. ამასთან ლეგატურა Æ უბრალოდ ასოების თანმიმდევრობით AE შეიცვალა.
წყვილს ვაჟი 4 მაისს შეეძინა. მოგვიანებით გრაიმსმა განმარტა რას ნიშნავს პატარას უჩვეულო სახელი. მოფერებით ბავშვს „პატარა ექსს“ ეძახიან.
