თბილისის სახელმწიფო უნივერსიტეტიდან პოლიტიკური ნიშნით გათავისუფლებული თანამშრომლები სამსახურში აღდგენას მოითხოვენ. 40-მდე პროფესორ-მასწავლებელს დღეს განათლების მინისტრმა მოუსმინა. მათ შორის იყვნენ ისეთებიც, რომლებსაც უნივერსიტეტის ძველი ხელმძღვანელობის წინააღმდეგ სასამართლოში პროცესი აქვს მოგებული. გადაწყდა, რომ მსგავსი ფაქტების შესასწავლად სპეციალური კომისია შეიქმნება.
