მეცხრე არხის ექსკლუზიური მასალა. ჩვენი კორესპონდენტი ცოტა ხნის წინ ტაო-კლარჯეთიდან დაბრუნდა. ოშკს, ხანძთასა და იშხანს სასწრაფო რეაბილიტაცია სჭირდება. ხანძთაში გუმბათი მთლიანადაა ჩამონგრეული, ოშკში ფრესკებია გადაშლილი, იშხანი კი უკვე ხარაჩოებშია ჩასმული. სწორედ იშხნის საკითხზე ცოტა ხნის წინ საქართველოს კულტურის მინისტრის მოადგილე თურქეთის ელჩს შეხვდა. სავარაუდოდ, სწორედ ამ შეხვედრის შემდეგ გადაწყდება, რა ფორმით ჩაერთვება ქართული მხარე იშხნის რეაბილიტაციის პროცესში.
