გიორგი გახარია: ყველა ბიზნესმენს, ვისაც შეუძლია, შექმნას ადგილობრივი წარმოება, პირადად მე და მთავრობა გვერდში დავუდგებით

გიორგი გახარია: ყველა ბიზნესმენს, ვისაც შეუძლია, შექმნას ადგილობრივი წარმოება, პირადად მე და მთავრობა გვერდში დავუდგებით

ყველა ბიზნესმენს, ვისაც შეუძლია, შექმნას ადგილობრივი წარმოება,მე პირადად და მთავრობა დავუდგებით გვერდში, – ამის შესახებ საქართველოს პრემიერ-მინისტრმა, გიორგი გახარიამ განაცხადა.

როგორც გიორგი გახარიამ აღნიშნა, დღეს ქვეყანაში არის ეპიდემია, მსოფლიოს გლობალური გამოწვევა.

„თითოეული ლარი, დამატებითი ინვესტიციებისა, ნიშნავს დამატებით სამუშაო ადგილებს ჩვენი მოქალაქეებისთვის. დღეს ისეთი გამოწვევების წინაშე ვდგავართ, რომ ფოთიც უნდა აშენდეს და ანაკლიაც და ვინმეს რაიმე რესურსი თუ აქვს და შეუძლია ანაკლიაში, ან რაიმე კიდე სხვა მსხვილ პროექტში, იქნება ეს – ნენსკრა, ხუდონი, ნამახვანი, დამატებითი ინვესტირება, მე გპირდებით პირადად, რომ თითოეული ლარი იქნება დათვლილი და სახელმწიფო გაუწევს ყველანაირ მხარდაჭერას იმისთვის, რომ ჩვენი მოქალაქეებისთვის შევქმნათ დამატებითი სამუშაო ადგილები“, – განაცხადა გიორგი გახარიამ.

მისივე თქმით, ყველა ბიზნესმენს, ვისაც შეუძლია, შექმნას ადგილობრივი წარმოება, რომელიც შეძლებს ჩაანაცვლოს იმპორტი ყველა მიმართულებით, მთავრობა მაქსიმალურად გვერდით დაუდგება.

„ყველა ბიზნესმენს, ვისაც შეუძლია შექმნას ადგილობრივი წარმოება, რომელიც შეძლებს ჩაანაცვლოს იმპორტი ყველა მიმართულებით, იქნება ეს სასურსათო პროგრამები, თუ ინდუსტრიული წარმოებები, თითოეულ მათგანს მე, პირადად, და მთავრობა დაუდგება გვერდში. გაითვალისწინეთ ერთი რამ, ფოთის პორტის განვითარება არის შეზღუდული, მაქსიმუმ, განვითარდეს, დაახლოებით, 6 მლნ დამატებითი ტონით, ფიზიკურად იქ არ არის მეტი ადგილი, რაც ნიშნავს, რომ ანაკლიის ღრმაწყლოვანი პორტი, რომელიც 100 მლნ დამატებით ტონაზე იყო გათვლილი, არის ჩვენი ქვეყნის მომავალი და სტრატეგიული პროექტი. ამიტომ, ვისაც უნდა განავითაროს ანაკლია, მოიტანოს დაფინანსება რაც შეიძლება სწრაფად და ჩვენ მას გავუკეთებთ ყველაფერს. ფოთმა რა ვალდებულებაც აიღო -დამატებითი ტვირთების მოზიდვის და სიმძლავრეების შექმნა, უნდა განახორციელოს 2 წელში. ფოთის პორტის ვალდებულებაა, უახლოესი 2 წლის განმავლობაში 350 მლნ დოლარის ინვესტირება და, მინიმუმ, მშენებლობის ეტაპზე 1500 სამუშაო ადგილის შექმნა. ვინც ამის წინააღმდეგი იქნება, დავუდგები ნებისმიერ დროს, ნებისმიერ ადგილას, ნებისმიერი ფორმით ამ თემაზე სასაუბროდ,“- აღნიშნა პრემიერმა.

Aburjga Tasmanieli მე პირადად წინააღმდეგი ვარ ანაკლიის პორტის აშენების. ასეთი უტოპიური სისულელე რომც განხორციელდეს ეს იქნება საქართველოს უკანასკნელი ამოოხვრა სიკვდილის წინ! საიდან უნდა მოივიდეს ეს ტვირთები და როგორ უნდა გაიაროს ამ 100 მილიონმა ტონამ საქართველოს მთელ ტერიტორიაზე წინ და უკან, სად უნდა იხრიგინოს ამდენმა ვაგონმა და მანქანამ?! ადრე როცა მიშას დროს დაიწყო ლაპარაკი ამ პორტის აგების შესახებ დავთვალე იმ სარკინიგზო შემადგენლობის სიგრძე, რომელმაც თანაბარი დატვირთვის პირობებში ყოველდღე უნდა გაიაროს საქართველოს ტერიტორია ანაკლიიდან გარდაბნამდე. ახლა აღარ მახსოვს შედეგი, მაგრამ რაღაც აბსურდული ციფრი მივიღე. არ გვინდა საქართველოს გადაქცევა "პროხოდნოი დვორად" სისულელეა ეს , დაანგრევს ამ თითქმის დაშლილ სახელმწიფოს. უმჯობესია დავეტიოთ ჩვენს თრაქზე, ცოტა ვსვათ, ცოტა ვჭამოთ, არც ამდენი ტანსაცმელი და ავეჯია საჭირო, ფეხი იქამდე გავჭიმოთ სანამ საბანი გაგვწვდება! ასკეტიზმი, მინიმალიზმი, საკუთარი თავის, ოჯახის მოთხოვნილებების კონტროლი, თვითმყოფადობის შენარჩუნება, ნატურალური მეურნეობა, ბუნება, ჩვენი სოფელი აი ჩვენი პრიორიტეტები!
4 წლის უკან