კორონავირუსის გავრცელების წინააღმდეგ ამოქმედებული ზომების გამო პარიზში მადონას კონცერტი გაუქმდა, რომელიც 10 და 11 მარტს იყო დაგეგმილი.
ამის შესახებ საკონცერტო დარბაზ Grand Rex-ის ადმინისტრაციის მიერ გავრცელებულ განცხადებაშია ნათქვამი.
„სამთავრობო განკარგულების თანახმად, რომელიც კრძალავს 1000-ზე მეტი ადამიანის მონაწილეობით შეკრებებს, ჩვენ სინანულით ვაცხადებთ MADAME X-ის ბოლო ორი შოუს გაუქმების შესახებ“, - ნათქვამია განცხადებაში.
ორგანიზატორები ასევე აღნიშნავენ, რომ ბილეთების შეძენისთვის გადახდილ ფულს უკან დააბრუნებენ.
