დღეს მსოფლიო როკ–მუსიკის ცოცხალი ლეგენდის, ცნობილი ბრიტანული როკ–ჯგუფის – “ბლექ საბათის“ ვოკალის, ოზი ოსბორნის (ნამდვილი სახელი და გვარი - ჯონ მაიკლ ოსბორნი) დაბადების დღეა. დღეს ოზი 62 წლის გახდა.

ჯონ მაიკლ ოსბორნი დაიბადა 1948 წლის 3 დეკემბერს ბირმინგემში, დიდ ბრიტანეთში. ოჯახში მეოთხე ბავშვი იყო. ზედმეტსახელად 'ozzy' ჯერ კიდევ სკოლაში შეარქვეს კლასელებმა (The Wonderful Wizard of Oz-ის სიყვარულის გამო). იგივე სკოლაში ტონი აიომიც სწავლობდა, თუმცა იმ დროს მათ ერთმანეთთან მეგობრული დამოკიდებულება არ ჰქონიათ. მათი კავშირი, რომელმაც ბლექ საბათის ჩამოყალიბებამ განაპირობა, მოგვიანებით წარმოიქმნა.

15 წლის ასაკში ოსბორნი სკოლიდან გარიცხეს და ოჯახის მძიმე მატერიალური მდგომარეობის გამო მომავალი როკ-მუსიკოსი წყალსადენის ოსტატის დამხმარედ იწყებს მუშაობას. ამის შემდეგ ოზი აგრეთვე მუშაობდა მლესავად, ავტომექანიკოსად, მღებავად და მესაფლავედაც კი. შემოსავალი ძალიან მცირე იყო და პატიოსანი შრომით მხოლოდ გროშების მოპოვება შეიძლებოდა, ამიტომ ყმაწვილმა ქურდობას მიჰყო ხელი. ჯონ ოსბორნი დააკავეს და ის, რომ მისმა ოჯახმა ჯარიმის გადახდა ვერ შეძლო, გასაკვირი არცაა. ასე და ამგვარად, ოზიმ ნახევარი წელიწადი ბირმინგემის ციხეში გაატარა, სადაც თავისი ცნობილი ტატუ გაიკეთა (OZZY).

ციხიდან გამოსვლის შემდეგ მან გადაწყვიტა ბედი მუსიკაში ეცადა. სწორედ მაშინ მაშინ გამოჩნდა ჯგუფი “Music Machine“, რომელიც იმ დროისთვის ვოკალისტს ეძებდა. ოზიმ მიკროფონთან დაიკავა ადგილი. მოგვიანებით, იგი საკუთარი ჯგუფის შექმნისა და თანამოაზრეების პოვნის მიზნით ადგილობრივ გაზეთში განცხადებას აქვეყნებს. მას პირველად ტერენს ბატლერი გამოეხმაურა, რომელსაც სულ რაღაც ნახევარი წლის წინ ჰქონდა გიტარაზე დაკვრის სწავლა დაწყებული. მოგვიანებით მათ ტონი აიომი და ბილ უორდი შეუერთდნენ. აიომის მოსვლის შემდეგ ბატლერი “გადაბასისტდა“ და ჯგუფმა მიიღო სახელწოდება “Earth“.

ჯგუფის პირველი სიმღერა, რომელიც 1963 წლის საშინელებათა ჟანრის ფილმის ზეგავლენით დაიწერა, "Black Sabbath"-ი იყო. მანამდე სხვა შემსრულებლების ქავარებს უკრავდნენ.

1969-1970 წლებში ჯგუფი სხვადასხვა კლუბებში უკრავდა და ამასთან ერთად საკუთარ მასალაზეც მუშაობდა. ერთხელაც, ახალგაზრდებმა ვიღაცის ყურადღება მიიქციეს და დაიბადა პირველი ჩანაწერის იდეაც. თუმცა, გაირკვა, რომ ჯგუფი, სახელწოდებით "Earth", უკვე არსებობდა, ამიტომ კოლექტივმა გადაწყვიტა ჯგუფს პირველი სიმღერის სახელი, "Black Sabbath" დარქმეოდა. 1970 წელს ისინი ახერხებენ პირველი ალბომის ჩაწერას, რომელმაც, სხვათა შორის, საკმაოდ კარგი ადგილები დაიკავა ინგლისურ და ამერიკულ ჰიტ-პარადებში.

1977 წელს ოზი ბლექ საბათიდან მიდის, მის ადგილს კი დეივ უოკერი იკავებს. ჯგუფი ახალი ალბომის, Never Say Die-ს ჩაწერაზე იწყებს მუშაობას, თუმცა 1978 წლის დასაწყისში ოზი ისევ ბრუნდება. ამ ერთი წლის განმავლობაში ოზიმ ნარკოტიკებისა და ალკოჰოლის აქტიურად მოხმარება დაიწყო - მან მამის სიკვდილი განიცადა. სხვა მონაცემების მიხედვით, ოზიმ 'ლოთობა' მანამდე დაიწყო, სანამ მამამისი გარდაიცვლებოდა. აიომი ამტკიცებდა, რომ იმ მომენტისთვის, დიდი ხანია ოზი ფხიზელ მდგომარეობაში არ ენახა. ალბომის ჩაწერას დიდი ძალიხმევა დასჭირდა. ოზიმ ყველა ტექსტის გადაწერა მოითხოვა, "Junior’s Eyes"-ის ჩათვლით, რომელიც მან მამამისს მიუძღვნა. ალბომის ჩაწერას ტურნე მოჰყვა, რომლის შემდეგადაც ოზიმ საბოლოოდ დატოვა ჯგუფი.

ოზი კარდიფში, 1981 წელიჯგუფიდან წასვლის შემდეგ ოზის დრო უსაქმურად გაჰყავდა, სანამ ბლექ საბათის მენეჯერის შვლიმა, შერონ არდენმა არ დაიყოლია ახალი ჯგუფის შექმნაზე. მან კვლავ გამოაქვეყნა განცხადება გაზეთში მუსიკოსების ძიების თაობაზე. აუდირებაზე მისულ გიტარისტთა შორის რენდი როუდსიც იყო.

როგორც თავად როუდსი ამბობს თავის ერთ-ერთ ინტერვიუში, მან არ იცოდა თუ ვისთან მოუწევდა მუშაობა. სტუდიაში მისული, გიტარითურთ ცარიელ ოთახში შეიყვანეს. მას ჯერ დაკვრა არ ჰქონდა დაწყებული, როცა მოულოდნელად ოზი გამოჩნდა და ვერდიქტი გამოიტანა: «“მიღებული ხარ!“, გიტარისტის გაოცებული სახე კი დააიგნორა.

ჯგუფს აგრეთვე შეუერთდნენ ბასისტი ბობ დეიზლი და დრამერი ლი კერსლეიკი. მათთან ერთად ერთან ოზიმ პირველი ალმობი, Blizzard of Ozz ჩაწერა. მათთან ერთად ტურნეზეც გავიდა, რომლის პირველი კონცერტიც 1980 წლის 12 სექტემბერს იყო გლაზგოში.

სოლო ალბომის გამოსაშვებად ოზის ხმის ჩამწერ სტუდიასთან კონტრაქტი სჭირდებოდა. მან რამოდენიმე უარი მიიღო, თუმცა საბოლოოდ მაინც მიაღწია შეთანხმებას სტუდია CBS-თან, რომელიც პროექტს არასერიოზულად უყურებდა.

1980 წლის ალბომი პოპულარობით სარგებლობდა. 1 წლის მერე ოზიმ და მისმა ჯგუფმა ახალი ალბომი, The Diary of a Madman ჩაწერა. ამ დროისთვის აგრეთვე შეიცვალა ჯგუფის შემადგენლობა - რითმ-სექციამ რეორგანიზებულ Uriah Heep-ში გადაინაცვლა. კერსლეიკი და დეიზლი ტომი ოლდრიჯმა და რუდი სარზომ შეცვალეს. თვითონ ოზის აზრით, ეს ალმობი წინას ჯობდა.

შემდეგი ალბომის, No Rest for the Wicked-ის ჩაწერისას ოზის ყურადღებას ნიჭიერი გიტარისტი, ზაკ უაილდი იპყრობს, რომელიც შემდეგი რამოდენიმე წლის განმავლობაში ჯგუფის მნიშვნელოვანი ნაწილი ხდება. ოზის ცოლი, შერონი, ჯგუფის მენეჯერი ხდება და ოზის ალკოჰოლისგან თავის დაღწევაში ეხმარება. სიმღერა "Demon Alcohol"-ის ტექსტში ოზი ალკოჰოლთან ბრძოლას აღწერს. დაიგეგმა ტურნე, რომელშიც ოზიმ მონაწილეობის მიღება ბლექ საბათელ კოლეგას, ჯიზერ ბატლერს შესთავაზა. 1989 წელს გამოვიდა საკონცერტო EP Just Say Ozzy.

1989 წლის მარტს აგრეთვე გამოდის ლიტა ფორდთან ერთად ჩაწერილი სინგლი, Close My Eyes Forever, რომელმაც საპატიო ადგილი დაიკავა აშშ-ს ტოპ ათეულში. 1991 წელს გამოდის ალბომი No More Tears, თუმცა კონცერტები ჩვეულებრივზე ნაკლები ენთუზიაზმით ტარდება, რასაც ოზი იმით ხსნის, რომ ბოლო დროს მას სურს უფრო მეტი დრო დაუთმოს ოჯახს. ალბომის მხარდასაჭერ ტურნეს No More Tours უწოდეს, მაგრამ ალბომი საკმაოდ წარმატებული აღმოჩნდა. სიმღერებმა "I Don’t Want to Change the World" და "Mama, I’m Coming Home" (რომელიც შერონს მიუძღვნა) ჯილდოებიც მიიღეს. ამის შემდეგ ოზი აქტიური მუსიკალური მოღვაწეობის შეწყვეტას აცხადებს, თუმცა ეს მას ხელს არ უშლის 1992 წელს რამოდენიმე კონცერტზე ბლექ საბათთან ერთად გამოსვლაში, რის გამოც დიო ჯგუფიდან მიდის.

1995 წელს რიკ უაიკმენთან და ზაკ უაილდთან ერთად ოზიმ ჩაწერა ალბომი Ozzmosis. ტურ-გიტარისტი რენდი როუდსის მოსწავლე გვარად ჰოლმსი გახდა.

1997 წელს გაირკვა, რომ ჭორები ოზისა და ბლექ საბათის გაერთიანების შესახებ სინამდვილეა. ჯგუფმა ტურნე დანიშნა და ორიგინალური შემადგენლობით წარსდგა პუბლიკის წინაშე. წევრემბა 2 ახალი სიმღერა ჩაწერეს, თუმცა შეპირებული ერთობლივი ალბომი არ გამოსულა. თანდათან ოზიც და ტონიც სოლო კარიერას დაუბრუნდნენ. 2000 წელს ოზი წერს სიმღერა "Who is Fooling Who"-ს ტონი აიომის სოლო ალბომისთვის.

2001 წელს გამოდის ოზის ალბომი Down to Earth.

2005 წლისთვის კი უკვე მზადაა ალბომი Under Cover, რომელშიც შესულია იმ სიმღერების ქავერ-ვერსიები, რომლებმაც ოზიზე ზეგავლენა მოახდინეს (მათ შორის საპატიო ადგილი უკავია ლენონის და საერთოდ, ბიტლზის შემოქმედებას).

2007 წელს ოზიმ კიდევ ერთი ალბომი, Black Rain ჩაწერა. როგორც მუსიკოსმა თქვა, ეს მისი პირველი ალბომი იყო, რომელიც მან მთლიანად ფხიზელ მდგომარეობაში ჩაწერა.