პარიზის მოდის კვირეულს მსოფლიოს ყველაზე ცნობილი ვარსკვლავები, მომღერლები და მსახიობებია ესწრებიან. გამონაკლისი არც უკრაინაში მოღვაწე ქართველი დიზაინერი, ბიჭოლა თეთრაძე გახლავთ, რომელიც მოდის ქალაქს ესტუმრა და ცნობილი ბრენდის Saint Laurent-ის ჩვენებას დაესწრო.
ქართველი დიზაინერი პარიზს ორი დღის წინ ესტუმრა. ჩასვლისთანავე მას მანქანა მოემსახურა, რომელმაც ქალაქის ყველაზე ფეშენებელურ სასტუმროში, Hotel Ritz-ში მიიყვანა. მას შემდეგ ის ფოტოებს და ვიდეოებს სოციალურ ქსელში აქტიურად აქვეყნებს, საიდანაც ვიგებთ, რომ ის პარიზში დროს უკრაინელ მომღერალთან ლობოდასთან ერთად ატარებს.
ბიჭოლას ლობოდასთან საკმაოდ ახლო ურთიერთობა აქვს, ამის დასტურია ისიც, რომ დიზაინერმა ვალენტინობის დღეც მასთან ერთად გაატარა.
