ოზი ოსბორნმა პარკინსონის დაავადების გამო ჩრდილოამერიკული ტურნე გააუქმა

ოზი ოსბორნმა პარკინსონის დაავადების გამო ჩრდილოამერიკული ტურნე გააუქმა

მომღერალმა ოზი ოსბორნმა ჩრდილოამერიკული ტურნე გააუქმა და პარკინსონის დაავადების მკურნალობას იწყებს. ინფორმაციას ამის შესახებ BBC ავრცელებს.

71 წლის როკ-მომღერალს პარკინსონის დაავადება ერთი თვის წინ დაუდგინეს, მიმდინარე წლის აპრილში კი ის სამკურნალოდ შვეიცარიაში გაემგზავრება. ოზი ოსბორნის ჩრდილოატლანტიკური ტურნე მაისში, ატლანტაში უნდა დაწყებულიყო.

„სამწუხაროდ, აპრილამდე შვეიცარიაში ვერ გავემგზავრები, მკურნალობა კი 6-8 კვირა გრძელდება. არ მინდა ტურნეს დაწყება, თუ შესაძლებელია, რომ მერე მისი ნაადრევად დასრულება მომიწიოს. ეს მსმენელების მიმართ უსამართლო იქნებოდა“, - განაცხადა ოზი ოსბორნმა.

რაც შეეხება დიდი ბრიტანეთის კონცერტებს, რომლებიც ოქტომბერში არის დაგეგმილი, მათ გაუქმებასთან დაკავშირებით ჯერჯერობით არაფერია ცნობილი.