ქართველი ჯარისკაცები სამშობლოში ბრუნდებიან. შეიარაღებული ძალების მეორე ქვეითი ბრიგადის 23-ე ბატალიონმა ავღანეთში ISAF-ის მისია დაასრულა. 246 სამხედრო მოსამსახურე სამშობლოში წუხელ დაბრუნდა.
ჯარისკაცებს ალექსეევკის სამხედრო აეროპორტში თავდაცვის მინისტრისა და გაერთიანებული შტაბის უფროსის მოადგილესთან ერთად ამერიკის ელჩიც დახვდა. მათ სამხედროებს სამშობლოში დაბრუნება მიულოცეს. ვიცე პოლკოვნიკ რომან ჯანჯულიას მეთაურობით 23-ე ბატალიონი საქართველოში დანაკლისის გარეშე დაბრუნდა. ბატალიონი ავღანეთში მოსახლეობის უსაფრთხოების მიზნით პატრულირებას ახორციელებდა. სამშობლოში დაბრუნებულებს მე-12 ბატალიონი ჩაანაცვლებს, რომელმაც ავღანეთში ბრძოლის გამოცდილება 2010 წელს მიიღო.
