მამა პეტრე კოლხმა მას შემდეგ, რაც გიორგი გაბუნიას მონოლოგი მოისმინა, კმაყოფილება ვერ დამალა:
„გიორგი გაბუნიას უთხარით, რომ მისმა მონოლოგმა სიცარიელე ამომივსო. ისიც უთხარით, რომ ძალიან ბევრ სასულიერო პირზე ჰუმანური აღმოჩნდა… კიდევ ისიც, ეკლესიის ყველაზე დიდი მტერი, უღირსი სასულიერო პირია!..“ - დაწერა პეტრე კოლხმა
„პოსტ ფაქტუმის“ წამყვანმა გიორგი გაბუნიამ გადაცემაში ილია მეორეს შესახებ ისაუბრა:
“რაც უფრო დიდხანს ვუსმენდი კათოლიკოსზე თავდასხმებს მითუფრო მეტად ხვდებოდა ერთ რამეს, რომ შემეცოდა პატრიარქი. მართლა, ვიცი, ილია მეორე სუსტად გამოიყურება, მაგრამ ამავე დროს კარგად ვიცი, რომ ის სულაც არ არის უსუსური მოხუცი, რომელიც ვერ ხვდება რას აკეთებს.
პატრიარქობასთან ერთად, ის ძალიან გამოცდილი პოლიტიკოსია, რომელიც ასე მარტივად არავის დააჩაგვრინებს თავს. მაგრამ, ეს მე მაინც მიტოვებს უფლებას ადამიანურად ასეთ მდგომარეობაში, რაც ხდებოდა იმ დღეს, ეს ადამიანი შემეცოდოს.
და არა მარტო ის, კიდევ უფრო მეტად ჩვენი საკუთარი თავები შემეცოდა”, - განაცხადა გაბუნიამ.
