მუსიკოსი ბერა ივანიშვილი ბრაზილიაში მიემგზავრება. ამის შესახებ ბერა ივანიშვილმა სოციალურ ქსელში დაწერა.
„ბრაზილიაში მომდევნო კვირაში პირველად მოვდივარ. მოუთმენლად ველოდები თქვენთან შეხვედრას. გთხოვთ, მირჩიეთ თუ რამე რეკომენდაცია გაქვთ ჩემი მოგზაურობისთვის“, – წერს ბერა ივანიშვილი „ფეისბუქზე“.
შეგახსენებთ, ბრაზილიურმა გარემოსდამცველმა ორგანიზაციამ „იესეიმ“ (ISA – „სოციალურ-ეკოლოგიური ინსტიტუტი“) ცოტა ხნის წინ, ბერა ივანიშვილი ეკოლოგიური კამპანიის „ტყის ხალხის“ (#PovosDaFloresta) ახალ ელჩად დაასახელა.
მანამდე კი, ბერა ივანიშვილმა ვიდეომიმართვაში განაცხადა, რომ საკუთარი დანაზოგიდან და ოჯახის დახმარებით ამაზონის ტყეებში ხანძრებთან საბრძოლველად 1,1 მილიონ დოლარს გადარიცხავს.
