ირანი სირიაში თურქეთის საგუშაგოების გახსნის წინააღმდეგია. ამის შესახებ ირანის საგარეო საქმეთა სამინისტროს პრესსპიკერმა აბას მოუსავიმ განაცხადა და დასძინა, რომ თეირანის მთავარი რეგიონული მოკავშირის მთლიანობა დაცული უნდა იყოს. ინფორმაციას Reuters-ი ავრცელებს.
აბას მოუსავის თქმით, საკითხი დიპლომატიური გზით უნდა გადაწყდეს.
9 ოქტომბერს თურქეთმა სირიაში ოპერაცია „მშვიდობის წყარო“ დაიწყო. მის ერთ-ერთ მიზნად ქვეყნის ჩრდილოეთით „უსაფრთხო ზონის“ შექმნა სახელდებოდა. ერდოღანის აშშ-ის ვიცეპრეზიდენტთან და სახელმწიფო მდივანთან შეხვედრის შემდეგ თურქეთმა ოპერაცია დროებით შეწყვიტა. ახლა თურქეთი სირიის ტერიტორიაზე 12 საგუშაგოს მოწყობას გეგმავს.
