„დღეს სალანძღავ კომენტარებზე ბევრს ვიცინით, მაგრამ თავის დროზე გული მტკიოდა", - ამის შესახებ განცხადებას მომღერალი თამრიკო ჭოხონელიძე აკეთებს.
"დღეს იმის გამო მატკინეს გული, რომ დღევანდელ ხელისუფლებასთან დაკავშირებით, "კითხვის ნიშნები" გამიჩნდა. საპროტესტოდ არ გავსულვარ და დროშა არ ამიღია ხელში, ხომ? ხალხი ისე დაუნდობლად, უსინდისოდ ილანძღება და ცილს მწამებს, რომ ეს ყველაფერი საშინლად განვიცადე. არ დავმალავ: თუ ვინმეს უნდოდა, ჩემთვის ყველაფრის სურვილი ჩაეკლა, მათ ეს მოახერხეს, თუმცა ისევ ჩემი შვილების წყალობით, ეს სტრესი დავძლიე. დღეს სალანძღავ კომენტარებზე ბევრს ვიცინით, მაგრამ თავის დროზე გული მტკიოდა", - ამბობს ჭოხონელიძე „გზასთან".
