თუ დააკვირდებით რა პანელზე მოვიდა, იმასაც მიხვდებით და ყველა უცხოელმა ჟურნალისტმა ისე გაიგო, როგორ იყო დროში ორკესტრირებული მისი მოსვლა,- ამის შესახებ  „ტაბულას“ დამფუძნებელმა, თამარ ჩერგოლეიშვილმა განაცხადა.

როგორც ჟურნალისტი ამბობს, „პატრიოტთა ალიანსმა“ ფაქტობრივად დაადასტურა, რომ დებოშისთვის, პანელის დასაშლელად მივიდნენ.

„ჩემთან დაპირისპირებას რაც შეეხება, მე უბრალოდ ვკითხე, იყო თუ არა დაპატიჟებული და მერე დავინტერესდი, ზოგადად სჩვევია თუ არა დაუპატიჟებლად ჩანგალზე აქეთ-იქით სირბილი და დებოშების მოწყობა, მითხრა რომ კი, სჩვევია. ბოკერიას უნდა გავცე პასუხიო, ავუხსენი რომ ბოკერიას პარლამენტში ყოველ დღე ხვდება და არ არის აუცილებელი ეუზრდელოს სტუმრებს.  ფაქტობრივად, ილუსტირერება მოახდინა, ვინ არიან და რა არიან ამ ხალხის თვალში.

სტუმრები ვერ მიხვდნენ რა ხდებოდა, ცოტა აღელდნენ, თუმცა ყველაფერში გაერკვნენ.

განსხვავებით სხვა ძალისა, ესენი პირდაპირ რუსეთში აბარებენ ანგარიშს“, - აცხადებს ჟურნალისტი.

დღეს, საერთაშორისო კონფერენციაზე ტელეკომპანია „ობიექტივის“ გადამღებ ჯგუფთან ერთად მივიდა „პატრიოტთა ალიანსის“ ლიდერი ირმა ინაშვილი, რომელსაც სიტყვით გამოსვლის საშუალება არ მისცეს.

აშშ-ის სახელმწიფო მდივნის ყოფილმა თანაშემწემ დევიდ კრამერმა, ჟურნალისტებს და ინაშვილს მოუწოდა, შენობიდან გასულიყვნენ, რის შემდეგაც კრამერსა და ინაშვილს შორის შელაპარაკება მოხდა.

ამის შემდეგ სიტუაცია შენობის გარეთ დაიძაბა. „ობიექტივის“ ჟურნალისტმა რასმუსენის განცხადებები გააკრიტიკა და ამის შემდეგ თამარ ჩერგოლეიშვილს დაუპირისპირდა.

ვითარების გასამუხტავად ადგილზე პოლიცია გამოიძახეს.