რასმუსენის მესმის, რაღაც პოზიტიური უნდა გვითხრას, რომ დაგვამშვიდოს ამის შესახებ ექსპერტმა თორნიკე შარაშენიძემ „პრაიმტაიმთან“ საუბრისას განაცხადა.

თორნიკე შარაშენიძის თქმით, საქართველოს მოსახლეობისთვის რთული იქნება იმის ახსნა, რომ ნატოს შემადგენლობაში შესვლა ისე, რომ ოკუპირებულ ტერიტორიებზე მეხუთე მუხლი არ ვრცელდებოდეს და ამითი ქვეყანა ტერიტორიებს არ დაკარგავს, ძალიან რთული იქნება.

„ეს ვარიანტი დიდი ხანია არსებობს შესვლის ისე, რომ ოკუპირებულ ტერიტორიებზე მეხუთე მუხლი არ ვრცელდებოდეს, არც ეს არის ადვილი. ადვილი არ იქნება მოსახლეობას აუხსნა, რომ ამითი ტერიტორიები არ იკარგება ძაან რთული იქნება.

1. მოსახლეობასთან მუშაობა და ამ ყველაფრის ახსნა იქნება რთული.
2. ძალიან რთული იქნება ამ ვარიანტის გატანაც კი, მაგალითად გერმანიასა და საფრანგეთთან, რომელიც წინააღმდეგია საქართველოს ნატოში გაწევრიანების.

გენერალური მდივანი ამას კი ამბობს, მაგრამ რთული განსახორციელებელია. მისი კი მესმის, რაღაც პოზიტიური უნდა გვითხრას, რომ დაგვამშვიდოს...

ამ ვარიანტზე მუშაობა ჯერ უნდა გადაწყვიტოს საქართველოს მთავრობამ, რომ ეს ვარიანტი გაიტანოს და მერე დაიწყოს მუშაობა ამაზე სერიოზულად. ასეთი გადაწყვეტილება კი მთავრობას მიღებული არ აქვს და არც მუშაობს მასზე. სავარაუდოდ ეს ვარიანტი არც განიხილება.

შეგახსენებთ, რომ დღეს თბილისში ეკონომიკური პოლიტიკის კვლევის ცენტრისა და მაკკეინის ინსტიტუტის მიერ ორგანიზებულ, რიგით მეხუთე საერთაშორისო კონფერენციაზე ნატო-ს ყოფილმა გენერალურმა მდივანმა თქვა, რომ უნდა განიხილებოდეს, მოისურვებს თუ არა საქართველო ისეთი მექანიზმით ნატო-ში მიღებას, რომლის მიხედვითაც მეხუთე მუხლი დაფარავს მხოლოდ მთავრობის კონტროლირებად ტერიტორიას.