ბოლდუინი ბავშვებზე ზრუნავს

for.ge

ცნობილი ამერიკელი კინომსახიობი ალეკ ბოლდუინი ბოლო პერიოდია ქველმოქმედებითა და პოლიტიკით დაინტერესდა.

გასულ წელს ამერიკულ მას-მედიაში გავრცელდა ცნობა, რომ რამდენიმე წელიწადში მისტერ ალეკი ქალაქ ნიუ-იორკის მერის სავარძლისთვის იბრძოლებს.

ცოტა ხნის წინ მსახიობმა საქველმოქმედო ორგანიზაცია „რადიაცია და საზოგადოების ჯანმრთელობა“ ჩამოაყალიბა.

ამ ორგანიზაციამ მუშაობა უკვე დაიწყო. ბოლდუინმა თანამემამულე ბიზნესმენებს ერთი პროექტის დაფინანსება მოსთხოვა, რომელიც ბავშვების კბილებზე დალექილი სტრონციუმის ჯანმრთელობაზე ზემოქმედებას იკვლევს.

მსახიობის მტკიცებით, მოქმედი ატომური ელექტროსადგურები ჰაერში დიდი რაოდენობით ქიმიურ ნივთიერება სტრონციუმს აფრქვევს, რომელიც ადამიანის ჯანმრთელობაზე უარყოფითად მოქმედებს და დიდია კიბოს გაჩენის საშიშროება.

1089