“პარლამენტში ერთბაშად რამდენ ადამიანზე შეიძლება საშვის დაშვება? “ქართული  ოცნება”! – დაუშვით და ასე დაახლოებით 200 ათასი საშვი! მ ო ვ დ ი ვ ა რ თ და ვნახოთ მერე სამადაშვილს რომელ კუთხეში იპოვიან მიჩექმილს და მაგ ჟურნალისტების მცემელ უტიფარ კაც – ბობოხიძეს რომელში! ნუ, ოთო კახიძის ნაირ ცუანებზე არაფერს ვამბობ…” – ამისე შესახებ ჟურნალისტი ბაკურ სვანიძე “ფეისბუქის” პირად გვერდზე წერს.

„ნაციონალური მოძრაობის“ წევრებმა ფრაქციის სხდომაზე, სადაც პრემიერ-მინისტრობის კანდიდატ გიორგი გახარიასა და მინისტრობის კანდიდატებს უსმენდნენ, 20 ივნისს დაშავებული მაკო გომურისა და მოძრაობა „სირცხვილიას“ წევრების დასწრება მოითხოვეს. მათი თქმით, საშვი დაშვებულია, თუმცა პარლამენტში შესვლის საშუალებას არ აძლევენ.

ამის შემდეგ სოციალურ ქსელ „ფეისბუქში“ გავრცელდა მაკო გომურის სტატუსი, სადაც ის წერდა, რომ თბილისში არ იმყოფება და მხოლოდ ხუთი წუთის წინ გაიგო, რომ მასზე პარლამენტში საშვი ყოფილა დაშვებული. თუმცა, სტატუსი მის გვერდზე უკვე აღარ იძებნება.

ამასთან, პარლამენტში „ნაციონალური მოძრაობის“ დეპუტატებმა დატოვეს ფრაქციის სხდომა, სადაც ფრაქცია „ნაციონალური მოძრაობის“ წევრები პრემიერ-მინისტრობის კანდიდატს გიორგი გახარიასა და მინისტრობის კანდიდატებს ხვდებოდნენ. ისინი პარლამენტის გარეთ მიმდინარე აქციას შეუერთდნენ.

ამ წუთებში პრემიერ-მინისტრობის კანდიდატ, გიორგი გახარიას საპარლამენტო ფრაქცია „ევროპული საქართველოს“ სხდომაზე უსმენენ.