მთავრობა აქეთ გვატენის გავრილოვს, თითქოს თვითონ არ ჩამოიყვანეს - ამის შესახებ განცხადება "ევროპული საქართველოს" ერთ-ერთმა ლიდერმა, გიგი უგულავამ "ტვ პირველის" ეთერში გააკეთა.

"მთავრობა აქეთ გვატენის გავრილოვს, თითქოს თვითონ არ ჩამოიყვანეს. შემდეგ განვითარებულმა მოვლენებმა კი რუსი ტურისტები დააფრთხო. მე მინდა გითხრათ რომ კიპრი, რომელიც ზომაზე მეტად არის დამოკიდებული ტურისტულად რუსეთზე, იქაც რუსი ტურისტების ნაკლებობაა. ამიტომ მეგობრებო, ცოტა ფართოდ უნდა შევხედოთ. კი ბატონო, მეზობელია და აუცილებელია, რუსული ტურისტული ბაზარიც, რა თქმა უნდა, მისასალმებელია. გახსოვთ ცალმხრივად გავუხსენით რუს ტურისტებს უვზიო რეჟმი. მაგრამ უნდა გვახსოვდეს, რომ რუსეთი არის შენი ქვეყნის ოკუპანტი, უნდა გახსოვდეს რომ მისი ხვედრითი წილი, შენი ქვეყნის ეკონომიკაში უნდა იყოს ისეთი რომ არ ექვემდებარებოდეს არანირ მანიპულაციას.",-განაცხადა გიგი უგულავამ.