ქუთაისში ისტორიული მოვლენისთვის ემზადებიან - ახლადაშენებულ პარლამენტის შენობაში მერვე მოწვევის პარლამენტი ხვალ თავის პირველ სხდომას გამართავს. შეგახსენებთ, სადეპუტატო მანადატები მხოლოდ ორმა პოლიტიკურმა სუბიექტმა მოიპოვა. შესაბამისად, მომდევნო 4 წლის განმავლობაში ქვეყნის კანონმდებლობას „ქართული ოცნების" 85, ხოლო „ნაციონალური მოძრაობის" 65 წევრი განსაზღვრავს. შგახსენებთ, იმასაც, რომ პარლამენტის ქუთაისში გადატანის, შემდეგ კი ახალი შენობის ირგვლივ აზრთა სხვადასხვაობა გაჩნდა. ამბობდნენ იმასაც, რომ ახალი შენობა ტექნიკურად გაუმართავია და ის მზად არ არის სხდომის ჩასატარებლად. მაშ ასე, რა პრობლემები არსებობს რეალურად და რამდენად არის მზაობა ხვალინდელი დღისთვის - ამას თორნიკე ხურციძისგან შევიტყობთ.
