"რაინდი არ ვიცი ვინ არის... რეაგირება სამინისტროს მხრიდან იქნება მკაცრი"-

შინაგან საქმეთა მინისტრის მოადგილე ნათია მეზვრიშვილი ლევან ვასაძის გაკეთებულ განცხადებას გამოეხმაურა, რომელიც უკანონო ფორმირებების შექმნას და პოლიციისთვის წინააღმდწეგობის გაწევას ეხება

“რაინდი არ ვიცი ვინ არის, მაგრამ ყველა ვინც ხელს აღმართავს პოლიციელზე, რეაგირება სამინისტროს მხრიდან იქნება მკაცრი“, - განაცხადა მეზვრიშვილმა.

„ერთი რამ უნდა დავიმახსოვროთ ძალიან კარგად, რომ საზოგადოებრივი წესრიგის დაცვის ფუნქცია არის მხოლოდ და მხოლოდ სამართალდამცავი ორგანოების კომპეტენცია და არც ერთ სხვა დაჯგუფებას თუ ფორმირებას ამ ფუნქციების შესრულების უფლებამოსილება არ გააჩნია და სახელმწიფო ამას არ დაუშვებს. დაველოდოთ ახლა გამოძიების შედეგებს. სამინისტროს ექნება ადეკვატური რეაქცია, განურჩევლად მათი რელიგიური კუთვნილებისაა, სექსუალური ორიენტაციისა თუ პოლიტიკური შეხედულებისა“, - აღნიშნა მინისტრის მოადგილემ.