“რუსთავი2”-ის გენერალური დირექტორი ნიკა გვარამია, საპატრიარქოს მიერ გავრცელებულ იმ განცხადებას ეხმიანება, რომელიც ე.წ თბილისი პრაიდის გამართვას ეხება.
“საპატრიარქო რომ გეი პრაიდს გმობდეს და ჰომოსექსუალობას ცოდვად აცხადებდეს, ამაში გასაკვირი არაფერია და სრულიად ბუნებრივია. მაგრამ დღევანდელი მათი განცხადება რომ ამას გასცდა და ფაქტიურად საომარი ყიჟინაა, ეს არის უკიდურესად ცუდიც და საშიშიც. ასევე სრულიად შეუსაბამო ეკლესიისთვის, რომელიც ძალადობას მკაფიოდ უნდა ემიჯნებოდეს, და არა მოუწოდებდეს”– წერს ნიკა გვარამია ფეისბუქში.
