ახალი რწმუნებული ჰყავს იმერეთსაც. ყოფილი გუბერნატორი ლაშა მაქაცარია კი ჟურნალისტებს უკვე დაემშვიდობა. მაქაცარიას თქმით, იმ სამი წლის განმავლობაში, რაც ის რეგიონში იმყოფებოდა, მნიშვნელოვანი პროექტები განხორციელდა, თუმცა ხარვეზებიც ბევრი იყო. ყოფილმა გუბერნატორმა თანამშრომლებს მადლობა გადაუხადა. რაც შეეხება ვახტანგ ბალავაძეს, რომელიც იმერეთის გუბერნატორად გუშინ წარადგინეს, იმერეთის სამხარეო ადმონისტრაციაში მასთან სამუშაო ტიპის შეხვედრები უკვე დაწყებულია.
