რეჟისორი გიორგი ლასარეიშვილი, რომელმაც თბილისის 51-ე საჯარო სკოლის მე-11 კლასელებისთვის მუსიკალური კლიპი გადაიღო, ზეწოლაზე საუბრობს. არსებული ინფორმაციით, სკოლაში მოსწავლეებს შორის დაპირისპირება, სწორედ აღნიშნულ ვიდეორგოლს მოჰყვა, რომელშიც ქურდული სამყარო იყო გაშარჟებული. როგორც ლასარეიშვილმა განაცხადა კლიპის ატვირთვისთანავე სკოლის დირექციის მხრიდან მასზეც და კლასის მოსწავლეებზეც განხორციელდა ზეწოლა. მათ ვიდეოს წაშლას აიძულებდნენ.
„არაფერი ვიცით მომხდარის შესახებ და გაურკვევლობაში ვართ რა შუაშია ჩვენი კლიპი დაპირისპირებასთან. ჩვენ პირველი ვარიანტი გვქონდა ატვირთული, სადაც იყო ჟარგონული სიტყვები გამოყენებული და როგორც მე გავიგე ბავშვებისგან, მოსწავლეებისგან, რომ ეს ვიდეო უნდა წაიშალოსო ამბობდნენო. ასე კონკრეტულად ვინ ამბობდა, როგორ ამბობდა ეგ არ ვიცი, მაგრამ ვარაუდის დონეზე მოდიოდა დირექციისგან“, - განაცხადა "რუსთავი2"-თან ლასარეიშვილმა.
