ალუბლის და ხაჭოს უგემრიელესი შტრუდელი მზა ფენოვანი ცომით

ალუბლის და ხაჭოს უგემრიელესი შტრუდელი მზა ფენოვანი ცომით

მომზადების დრო: 50 წუთი

ულუფა: 8

ინგრედიენტები

ალუბალი - 200 გ

შაქრის პუდრა - 100 გ

ხაჭო - 400 გ

ნაღები 35 % - 80 გ

კვერცხი - 1 ცალი, მოზრდილი + 1 კვერცხის გული

ფენოვანი ცომი - 500 გ

ტკბილი საფანელი - 3 ს/კ

ნაყინი - სერვირებისთვის

მომზადების წესები

ალუბალს გამოაცალეთ კურკა, მოაყარეთ შაქრის პუდრის ნახევარი, აურიეთ და გააჩერეთ.

ხაჭოს დაუმატეთ ნაღები, კვერცხი, შაქრის პუდრა და ათქვიფეთ ხელის ბლენდერით ერთგვაროვანი მასის მიღებამდე.

გააბრტყელეთ ცომი სწორკუთხედ 45ხ35 -ზე ფირფიტად. ერთ, განიერ კიდეზე, 1/3-დ ფართობზე მოაყარეთ საფანელი, გაანაწილეთ ზედ ხაჭოს მასა, გაწურეთ შაქრიანი ალუბალი (წვენი შეინახეთ სერვირებისთვის) და მოაყარეთ ხაჭოს მასაზე.

ფრთხილად გადაახვიეთ ფირფიტა რულეტად, გადაიტანეთ პერგამენტდაფენილ ფირფიტაზე გახსნილი კიდით ქვემოთ. გააჩერეთ 15-20 წუთი. შემდეგ გადაუსვით ათქვეფილი კვერცხის გული.

გაახურეთ ღუმელი 200 გრადუსზე. შედგით გამოსაცხობი ფირფიტა ქვედა ღუმელის ქვედა თაროზე და აცხვეთ 35 წუთის განმავლობაში.

სუფრასთან მიტანამდე გააჩერეთ შტრუდელი 15-20 წუთი. სუფრასთან მიიტანეთ თბილ-თბილი ნაყინთან და ალუბლის წვენთან ერთად.